За десет дена имаме заедничка шанса со гласот за животот да се избориме за живот во Македонија. Наместо да бараме живот во странство, ќе имаме добар живот тука во Македонија. Имаме чесен човек, искрен човек, човек со големо срце, храбар, решителен, одлучен лидер којшто ќе го реализира овој План за Македонија. Тој ќе ја води Македонија, тој ќе го врати животот, рече Љупчо Николовски на митингот на СДСМ во Берово.
– Повисоки плати ќе има за сите во Македонија. Ќе ги поддржиме домашните, македонски фирми, со 140 милиони евра директни инвестиции. Во секое семејство ќе влегува по уште една плата преку системот на враќање на ДДВ. Тринаесетта плата назад во секое семејство! Ќе растат и пензиите, а ќе има државна национална пензија за секој оној што има 65 години, а нема услови да оствари право на пензија.
– Криминално стекнатиот имот ќе се врати на граѓаните. Изборот е помеѓу скромност и работливост и забеганост. Почитувани од другата страна, изборот го имате и вие – ви ветуваме дека ништо нема да ви фали, ајде заедно да се избориме за животот во Македонија.