Пратеничката од ЛДП, Јулиана Николова, обвини дека ВМРО-ДПМНЕ прави преседан во Собранието.
– Секоја година, до 2014-та конститутивната седница ја води најстариот пратеник, а сега седницата ја води Трајко Вељаноски кој не е најстар пратеник.
Побарајте од службите да се ажурира делот за претседател на Собранието, бидејќи три месеци имаме претседавач, а не претседател, рече Николова.
Таа повторно побара Собранието да работи додека не заврши 3. точка, односно избори на Комисија за избори и менување и кажа дека претседавачот има заменици кои можат да ја продолжат седницата, ако Вељаноски не може.
– Ако претходно се мислев дали станува збор за капацитет или волја, сега сум сигурна дека немате волја да работите, рече Николова.