Заев и Филипче глумат загриженост, наводно прифаќаат некакви мерки, но во исто време на корона изборите тераат оро и слават во кафеана. Додека пациентите не можат да се обезбедат со инсулинска и антикоагулантна терапија, додека се соочуваме со инсулинска криза во државата, тие народот го лажат и го замајуваат дека имало мерки, и дека се преземаат нови мерки. Во најмала рака ова е навреда за граѓаните, и навреда за болните – рече на прес конференција претседателот на Комисијата за здравство на ВМРО-ДПМНЕ, Игор Николов.
„И наместо да се слушне струката во врска со пандемијата со КОВИД-19, таа се користи за параван за неспроведување мерки, а се слушаат пи-ар претставите на Филипче и на Заев. Комисијата за заразни болести не е ништо друго туку еден обичен параван. Кога веќе објавуваат мерки потребно е Комисијата за заразни болести да ги каже епидемиолошките цели, заради кои што се предлагаат тие мерки, во исто време треба да се објави и објасни кога се планираат тие цели да бидат остварени. Во спротивно се што прави Комисијата и Филипче претставува еден обичен пи-ар. Треба да се одговори, зошто досегашните мерки кои што ги имавме наместо резултати дадоа пролонгирана агонија. Ги навикнаа граѓаните на 20, 30 па и 40 починати во текот на денот, во текот на 24 часа. Ги навикнаа граѓаните на 30-35% позитивни од вкупно тестирани во 24 часа“ – порача Николов на прес конфернцијата која е реакција на денешната објава од Владата на новите рестриктивни мерки за заштита од ширењето на коронавирусот.