Потпретседателот на ВМРО-ДПМНЕ Александар Николоски, при денешната посета во општина Кисела Вода одговарајќи на новинарско прашање запрашан за негов коментар околу новата кампања за пи-ар кампања на Владата поврзана со коронавирусот, тој истакна дека кампањата очигледно се покажа дека единствено нешто што ја интересира власта е на кој начин да направи пари.
„Во однос на Кампањата, очигледно се покажа дека единствено што ја интересира власта е на кој начин да направи пари и од ова, затоа што се трошат 300 илјади евра за слики кој што секој може да ги најде на интернет , кој што се украдени буквално од интернет, само напишете на Гугл слики за среќа и излегуваат овие слики кој што се дел од ,,кампањата’’ што само покажува дека единственото нешто на што размислуваат е како да злоупотребуваат буџетски средства“, кажа Николоски.
Тој посочи дека „всушност затоа и Македонија е во оваа епидемиолошка состојба“,
– Да ги потсетам граѓаните дека кога другите држави се вакцинираа во Македонија немаше вакцини, беа принудени македонските граѓани да одат во Србија да се вакцинираат или во Бугарија, а зошто немаше вакцини, затоа што трчаа по провизии, договараа провизии преку фантом фирмата од Хонг Конг наречена „СТАБРИ“, рече Николоски.
„Tоа е едната крајност и сега одат во друга крајност каде што на еден фашистички начин ги делат луѓето на вакцинирани и невакцинирани, па невакцинираните не смеат да влегуваат во објекти а најголем дел од нив се невакцинирани затоа што власта не успеа да обезбеди вакцини“, додаде тој.