Независниот кандидат за градоначалник од опцијата „Кога ако не сега“, Виктор Цветковски на средба со граѓаните од кумановската населба „Гоце Делчев“ вети инфраструктурно хортикултурно уредување.
– Урбана опрема, детско катче и игралишта со спортска содржина им е потребна на граѓаните од населбата „Гоце Делчев“, изјави Цветковски.
Тој пред граѓаните потенцираше дека програмата е реална и ги отсликува потребите на градот и неговите жители.
Според Цветковски, брзото и ефикасно инфраструктурно уредување на општината овозможува и брз локален економски развој.
– Куманово е град со 100 илјади жители и има можности за негов развој. Единствено потребни се луѓе кои ја планираат иднината на овој град, истакна Цветковски во обраќањето пред жителите на населбата „Гоце Делчев“.