Бедредин Ибраими, член на Државната изборна комисија од ДПА, денеска ја напушти работата на изборната комисија, незадоволен од одлуката на Управниот суд да ги поништи одлуките на изборните комисии на Кичево и Струга, пренесува Нова Македонија.
Претходно Општинските изборните комисии за Струга и Кичево одлучија да не ги прифатат заедничките советнички листи на СДСМ и ВМРО-ДПМНЕ.
– Ова е атентат врз локалните избори, рече Ибраими на заминување.
Во тек е ждребањето за редоследот на гласачките ливчиња.
Инаку, вчера во образложението на Управниот суд за тужбата поднесена од подносителот на листата за Кичево, се наведува дека ОИК Кичево го донела оспореното решение спротивно на законските одредби. Не било земено предвид дека ВМРО-ДПМНЕ ја повлекла советничката листа за Кичево и оти Државната изборна комисија на седницата завчера го поништила решението на ОИК од 18 февруари за потврдување на оваа листа.