Незаборав за 4-та трагично загинати струмичани

Од:

На иницијатива на градоначалникот на општина Струмица Зоран Заев, светски реномираниот руски скулптор и сликар Григориј Потоцки ќе прави споменик на четворицата струмичани кои трагично ги загубија животите во пожарот на 23 јули годинава.

Градоначалникот Заев и скулпторот Потоцки денеска се сретнаа и разговараа за деталите околу споменикот. Според авторот, идејата за споменикот се потпира врз христијанската и народната традиција.

Во темелите на споменикот се јазиците на огинот, како рака која вреска и од пламенот нагоре вертикално летаат четири птици кои ги симболизираат душите на четворицата загинати во пожарот. Нозете на птиците стануваат се потенки, се издолжуваат и птиците летаат во небото како четири крста.

Заоблените глави на птиците со долги клунови оддалеку потсетуваат на христијански цркви, а крилата потсетуваат на крстови, но ненаметливо, меко, бидејќи споменикот пред се е светол спомен на починатите.

За градоначалникот Зоран Заев, споменикот ќе претставува силен симбол на незаборавот кон нашите сограѓани кои ги дадоа своите животи бранејќи го градот од пожарот.

„Навистина идејата е прекрасна, останува понатаму да го излееме овој споменик и да најдеме соодветна локација во консултација со сите соодветни за оваа работа, вклучувајќи ги стручните служби, семејствата на починатите и пред се струмичката јавност“, рече градоначалникот Заев.

Во големиот пожар, животите ги загубија браќата Пено и Блажо Стојанови, Мите Ѓорѓиев и Војо Гркланов.

Григориј Потоцки на општина Струмица и подари биста на херојот на човештвото, Јуриј Гагарин, како симбол на зближување на Русија и Македонија.

 

 

Би можело да ве интересира

Уапсен е пироман од Флорида кој подметна пожар во кој изгореа 12 луѓе

А1он

Пожар во болница, загинаа најмалку шест пациенти

Горан Наумовски

(ВИДЕО) Украина и Русија со различни „приказни“ за пожарот во една од најголемите руски рафинерии, во Јарослав

Манасиевски: Паниката на СДС во Струмица расте, тепачи и насилници на нивните листи се последниот обид за спас

Манасиевски: СДС во Струмица губи, силеџии на листи кои тепаат луѓе по улица стана брендингот на СДС за овие избори

Николоски: Огромна победа во Струмица! Енергија за голема промена