Напис на „Вест“, може да се смести во рубриката „Неверојатно но вистинито“.
Вест објави дека пациент од Градската општа болница тешко се повредил при обид да избега, со помош на јаже, преку балконот од болницата.
Веста ја потврдиле од полицијата.
61-годишен пациент од Скопје бил на постоперативен третман на едо од хируршките одделенија во болницата, и му било забрането да се движи. и незабележан од персоналот, дошол на балконот од вториот кат на болницата. Со намера да избега, почнал да се спушта по јажето. Но јажето ненадејно се скинало и тој паднал на плочникот пред болницата. Веднаш притрчал персоналот од приземјето. Пациентот повторно бил вратен во болницата. При прегледот било утврдено дека има скршеници на двете нозе и повреди по телото, пишува „Вест“..
Полицијата го испитува случајот и утврдува дали пациентот бил соодветно згрижен.
