Малолетно девојче од село Доброште починало од повреда на главата, здобина при скок од возило „Махиндра“, додека собирала дрва со својот татко во атарот на селото.
Како што информира МВР, случајот во Полициско одделение Тераце го пријавил вчера во 23.00 часот Б.Б. (46) од село Доброштe, иако инцидентот се случил околу 15:00 часот додека тој заедно со неговата малолетна ќерка биле во атарот на селот да собираат дрва.
Додека пријавителот собирал дрва, а неговата ќерка била во возилото, тоа од непознати причини се отпуштило и тргнало надолу, а кога истото го забележала неговата ќерка скокнала од самото возило при што удрила во камен и се здобила со повреди во пределот на главата. Тој го зел девојчето во раце и пеш тргнал кон селото, со цел да ја однесе во болница и додека се движел го сретнал А.А. од истото село кој со возило „Џип“ ги однел до село Доброште. Кога пристигнале, забележале дека од здобиените повреди малолетното девојче починало и одлучиле да не ја носат во болница, туку ја однеле дома во нивната семејна куќа. Бидејќи пријавителот бил видно вознемирен, случајот веднаш не го пријавил во полиција.
Телото на починатото дете, од страна на семејството со асистенција на полициски службеници е предадено во судска медицина за обдукција.
