Сезоната на годишни одмори и претстојниот продолжен викенд, денеска не ја зголемија сообраќајната фрекфенција на граничните премини „Богородица“ и „Дојран“.
Дневната динамика на граничниот премин „Богородица“ изнесува околу 20.000 патници дневно во двете насоки односно околу 30.000 патници за време на викендите. Од таму ГП „Богородица“ велат дека досега нема поголеми отстапувања од овие бројки и оти за време на најголемите налети на туристи, возилата се пропуштаат преку седумте коловозни ленти.
Во најголемите шпицеви задржувањето на границата заради обавување на царинските формалности изнесува најмногу од 15 до 20 минути.
Релаксирана е состојбата и на граничниот премин „Дојран“ каде вообичаено повеќе патници има на излез од земјава поради зголемено транзитирање низ овој премин на туристи од Србија кои патем сакаат да го видат и Дојранското езеро.Тука, автомобилите и автобусите се задржуваат околу пет минути.
Зголемување на фрекфенцијата на двата гранични премини може да се очекува утре на првиот ден од продолжениот викенд,на излез од земјава и в понеделник во попладневните часови на влез во земјава.