И на пеколно топлото време, поранешните вработените во АД „Славија“ не се откажуваат од протестите за своите пари. Симболично, денеска се врзуваа со ланци за оградата пред Управната зграда на фирмата.
Овие луѓе се свесни дека со нив се манипулира и се купува на време се со цел да се откажат од парите.
Им беше ветено дека пред два дена ќе падне договор за исплата на парите што им ги должат, но тие останаа пред портата на Управата на Славија.
Иако имаат позитивна судска одлука, 1. 364 вработени се уште не можат да ги добијат 39 те плати со вкупен износ од околу 5 милиони евра.
Најавуваат дека протестите ќе траат се додека не се реши нивниот проблем.