Нема починато 19-годишно девојче во тетовската Општа болница, туку 59-годишна жена, потврдуваат од Министерството за здравство за „А1он“. Станува збор за превид поради напишан погрешен матичен број на починатата пациентка, од каде се извлекуваат податоците за возраста и идентитетот.
„Нема почината пациентка на 19 годишна возраст во Клиничката болница во Тетово“, велат од Министерството за здравтво.
Информацијата за „А1он“ ја коригираше и докторот Гзим Нуредини, координатор на ковид – центарот при Клиничка болница во Тетово.
Координаторот Нуредини посочува дека жената имала и претходни заболувања. Таа страдала од дијабетес и имала прекумерна тежина. Поради тоа што била во тешка здравствена состојба, таа била ставена на респиратор за дишење.