Нема одлука за „Иловица“ додека не се усогласат ставовите на сите страни, вели Бошњаковски

Од:

Владиниот портпарол Миле Бошњаковски денеска изјави дека нема да биде донесена никаква одлука за рудникот „Иловица“ се додека не се усогласат ставовите на сите засегнати страни.

Одговарајќи на новинарско прашање по редовната прес-конференција во Владата, Бошњаковски истакна дека Владата нема да направи ништо на штета на граѓаните.

– Владата е во постојана комуникација со сите засеганти страни, вклучително и со инвеститорот и со граѓаните од регионот. На последната средба во Струмица се утврдија сите наредни чекори. Ништо нема да се одлучи во однос на рудникот „Иловица“ без да се постигне заедничка согласност на сите страни. Во овој момент се работи на тој процес, рече Бошњаковски.

Граѓаните се против изградбата на рудникот за бакар и злато и бараат одземање на концесијата. Тие минатата недела со двочасовна блокада на крстосницата на влезот во Струмица од правците на Валандово и граничниот премин Ново Село го искажаа своето незадоволство од изградбата на рудникот.

Би можело да ве интересира

ЕУ ја забрзува трката по минерали – нов повик за рудници, Македонија ќе се усогласува

Предраг Петровиќ

Владата уште еднаш ја потврди својата дискриминаторска политика кон Албанците, велат од ДУИ

Горан Наумовски

СДСМ: Владата нема пари да ги покачи платите, а се луксузира на грбот на народот

Горан Наумовски

Владата одлучи: Се забранува за движење на територија на депонијата „Вардариште”

Горан Наумовски

Османи: Владата предводена од Мицкоски сака да ги врати Албанците на нивните периферни позиции од пред Рамковниот договор

Горан Наумовски

Мицкоски: Веднаш по изборите ќе има реконструкција на Владата