Поради отстранување на дефект, без вода за пиење утре од 9 до 15 часот ќе бидат жителите на Неготино.
Како што информираат од јавното претпријатие „Комуналец”, станува збор за отстранување на дефект на главниот доводен цевковод кој е лоциран на територијата на општина Кавадарци и токму затоа во текот на утрешниот ден стручни екипи на комуналното претпријатие ќе бидат присутни на терен и ангажирани на отстранување на дефектот.
– Заради непречено изведување на работите ќе мора да се запре водата која доаѓа од регионалниот водовод „Лукар” до домовите на неготинци, велат од претпријатието.
Од „Комуналец” апелираат до граѓаните за разбирање и ги информираат дека веднаш по завршувањето на активностите на терен, водата ќе протече во главниот водоснабдителен систем на Неготино.
