Бројот на живородените деца во првото тримесечје од 2015 година, во споредба со истиот период од претходната година, е намален за 0,9 проценти и изнесува 5.584 живородени деца, покажуваат податоците на Државниот завод за статистика.
За разлика од бројот на живородени деца, бројот на умрени лица во првото тримесечје од 2015 година бележи зголемување од 11,9 проценти во споредба со лани и изнесува 5.909 лице, а од нив 55 се умрени доенчиња.
Природниот прираст изнесува -325 лица, што значи, за толку лица бројот на живородените деца е помал од бројот на умрените лица.