Мнозинството пратеници, денеска го отфрлија предлогот за измени во Законот за аудио и аудио визуелни медиумски услуги, кој беше поднесен од опозициската СДСМ на барање на новинарските здруженија и организации.
Со овие измени се требаше да се направат реформи во Програмскиот совет на МРТ и во Советот на Агенцијата за медиуми. Измениоте предвивдуваа и укинување на радиодифузната такса и целосно финасирање на МРТ од буџетот.
-Беше дадена една иницијатива која пратениците од опозицијата ја преточија во предлог-закон. Со овој Закон сметаме дека ќе се направи целосна департизација за медиуми, рече Горан Сугарески од СДСМ
Во март, предлогот за измени во Законот за аудио и аудио визуелни до Собранранието го доставија пет новинарски и медиумски организации: ЗНМ, ССНМ, СЕМ, МИМ и ИКC.
Предлогот е истиот како тој на европскиот медијатор Питер Ван Хауте за итна измена и дополнување на Законот за аудио и аудио визуелни медиумски услуги.