На барање на жителите на населбите Стопански двор и Кисела јабука, кандидатот за Градоначалник на општина Ѓорче Петров, Александар Наумоски и претседателот на Општинската Организиција СДСМ во истата општина, Ѓорѓе Матески, остварија средби на кои беше искажано незадоволството од досегашното работење на актуелниот градоначалник Сокол Митровски.
Неасфалтираните улици, недовршената фекална канализација, безбедноста на децата беа само дел од проблемите кои ги истакнаа локалните жители.
Во двата мандати, Сокол Митровски им ветувал дека ќе го зголеми капацитетот на основното училиште Тихимор Милошевски, каде што наставата се одвива во три смени, ќе направи пешачки премин преку пругата, но ништо од тоа.
Затоа граѓаните нема да го поддржат на престојните локални избори.
