лубот на генерали, Балкански форум за безбедност и Здружението на ветерани и резервисти од одбраната и безбедноста денеска организираат научно-експертска конференција на тема „Актуелни безбедносни предизвици“.
На конференцијата ќе бидат презентирани размислувања и ставови на експерти и авторитети од сферата на безбедноста и одбраната, посветени на глобалните, регионалните и македонските перспективи за безбедносните предизвици и движења.
Зедничката идеја и цел на Клубот на генерали, Балкански форум и Здружението на ветерани е врз експертска анализа на актуелните аспекти на безбедноста и стабилноста да се даде поглед за патот на натамошната изградба на системот за безбедност на Македонија во контекст на стабилноста на национално и регионално ниво, како предизвик и приоритет во насочувањето и интензивирањето на активностите на полето на вредностите на безбедноста и одбраната и во создавањето услови за одржлив развој, зацврстување на довербата и соработката во регионот.
Според организаторите на конференцијата, значаен очекуван резултат е дека авторитетите, експертите и научниците кои се занимаваат со безбедноста и одбраната ќе придонесат за пошироки и подлабоки сознанија за севкупните ризици и можните нови појавни манифестации на безбедносните состојби, за идеите и организациската подготвеност како да се одговори на предизвиците и на потребните подобрувања во концептот на националната безбедност.