НАТО помага во борбата со коронавирусот, министрите за надворешни работи на земјите членки ја поздравија С. Македонија како нов сојузник

Од:

Министрите за надворешни работи на земјите членки во НАТО оддадоа признание на здравствени работници, полицијата, Армијата. Тие велат дека НАТО ја врши својата функција, а пак, државите се поддржуваат меѓусебно со ресурсите кои ги поседуваат. Тие велат дека се врши воздушен транспорт на клучни медицински резерви насекаде низ светот, како и суштински материјали и опрема од воени и цивилни извори.

„Го насочуваме нашето медицинско, научно и технолошко знаење и ресурси за да помогнеме во испорачувањето иновативни одговори. Сојузниците, исто така, работат заедно за да осигурат јавен пристап до транспарентни, навремени и точни информации, кои се клучни за надминување на оваа пандемија и борба против дезинформациите. Поради тоа што ни е потребен координиран и сеопфатен пристап, НАТО е во тесна соработка со други меѓународни организации, вклучувајќи ги и Обединетите Нации, Светската здравствена организација и Европската Унија“, се вели во соопштението од министрите за надворешни работи на земјите членки во НАТО.

Оттаму додаваат дека НАТО останува активно и фокусирано на колективната одбрана, управувањео со кризите и заедничката безбедност.

„Нашата способност да ги водиме нашите операции и да гарантираме задржување и одбрана против сите закани со кои сме соочени не е доведена во прашање. Денес донесовме и дополнителни одлуки за зајакнување на улогата на НАТО во соочување со сегашните и идни безбедносни предизвици. Ја поздравуваме Северна Македонија како 30-ти сојузник на НАТО. Додека се соочуваме со овој незапаметен предизвик, нашите 30 нации стојат заедно во солидарност и трансатлантско единство“, се додава во соопштението.

Би можело да ве интересира

Руски хеликоптер навлегол во финскиот воздушен простор по инцидент со руски брод во Балтичкото Море

Рјабков: Членството на Украина во НАТО е неприфатливо

Мицкоски во Берлин на состанокот посветен на Украина: Ја потврдивме поддршката за постигнување праведен и траен мир преку дијалог, дипломатија и координација со нашите сојузници

Бајден за потегот што го загрижи Кремљ: НАТО стигна до границите на Русија

Лавров: НАТО им нанесе голема штета на соседните земји

Романија предупредува на влошување на безбедносната состојба во Црното Море, бара поголема поддршка од ЕУ и НАТО