Со проектот „НАТО недела-Обезбеди ја иднината“ ќе се одбележи денот на северноатлантскиот договор во Вашингтон, 4-ти април. Проектот е во организација на Евро-Атлантскиот Совет на Македонија и Младината на ЕАСМ.
НАТО неделата ќе се одбележи од 28-ми март до 5-ти април преку различни активности на кој воедно ќе учествуваат млади луѓе, експерти, политичари, бизнисмени и амбасадорската фела на Република Македонија.
Проектот ќе започне со НАТО студентска симулација и промоција на Социјалната мрежа за безбедност. Имено, студентската симулација се одржува по четврти пат. Крајот ќе се одбележи со предавање за „НАТО и партнерите: формирање на идната врска“.
Целта на проектот е младите да се запознаат со НАТО, и нејзината улога и нејзините цели.
Јасна Атанасова