Само целосно решение на спорот за името ќе ја внесе нашата земја во НАТО, информираа од Алијанската, а како шпекулација ја оценуваат инфорамцијата дека е можно Република Македонија наскоро да стане членка на Северно-атлантската алијанса под името „Горна Македонија”.
Како што јавува дописникот на МИА од Брисел, високи официјални лица од Алијансата, кои инсистираат на анонимност, потврдуваат дека само целосно решение на наметнатиот спор за името од страна на Грција ќе ја внесе нашата земја во НАТО.
„Сите НАТО-сојузници веруваат дека евро-атлантската интеграција останува најефикасен начин да се донесе трајна стабилност и просперитет на стратешки важните земји од Западен Балкан. Ние би сакале Република Македонија наскоро да се приклучи кон Алијансата, штом прашањето за името ќе биде решено“, велат соговорници од највисоките структури на НАТО.