Татко и двајца синови во гостиварско се осомничени за физички напад врз вработен во ЕВН Македонија. Како што информираат од СВР Тетово, 56-годишниот инкасант откако влегол во дворот на куќата на А. Н. (56) во селото Долна Бањица гостиварско, за да ги отчита податоците од електрично броило бил попречуван од синот на сопственикот.
Набрзо почнала расправија по што двајца синови со тупаници и клоци го удирале по телото. Во нападот, на синовите им се приклучил и таткото.
Повредениот инксант случајот го пријавил во полиција по што тројцта биле повикани на разговор за расветлување на случајот.