Против наставникот П.Ж., вработен во Основното училиште „Блаже Коневски“ во Велес, е поднесена кривична пријава за кражба на златни ланчиња од ученици.
Според велешката полиција, во септември и октомври оваа година, откако двајца ученици во соблекувалната од спортската сала заборавиле златни синџирчиња со приврзоци, накитот подоцна е најден кај наставникот по физичко кој ги земал.
Кога еден од учениците му го побарал златното синџирче, наставникот негирал дека е кај него.