Со потпишувањето на договорот компанијата „Кам-фуд“ официјално, покрај Општина Прилеп и ЈП „Пазари“, стана сопственик на градежното земјиште на локацијата од досегашниот Млечен пазар во строгиот центар на Прилеп.
Новиот трговски-деловен центар ќе се простира на површина од 5000 м2, а во него треба да биде сместен и подземен паркинг-простор. Инвестицијата вредна четири милиони долари ќе започне да се реализира наскоро.
Според договорот крајниот рок за изградба на трговскиот центар е шест години, но од компанијата посочуваат дека инвестицијата ќе ја реализираат во најкраток можен рок. Овој безистен ќе биде втор модерен трговско- деловен објект во строгиот центар на градот во близина на Градскиот пазар, покрај трговскиот објект во комбинација со катна гаража, кој моментално е во фаза на градба.
Напоредно со ова Ј.П. „Пазари“ ќе започне со допокривање и доосветлување на пазарот и изградба на нов современ млечен пазар.
А.Ш.