„Насилно се отстранети заштитните столпчиња, долж тротоарот, кај Основното училиште „Војдан Чернодрински”, во урбаната заедница Владо Тасевски (Млечен).
Овие столпчиња се поставија по барања на повеќе заедници на сопственици – граѓани, од различни згради од овој дел на Карпош, со цел тротоарите да бидат безбедни и слободни за движење за најмладите“, соопштуваат од Општина Карпош.
„Повикуваме уште еднаш, да престане свесното уништување на урбаната опрема, со што се прави директна штета за населбите, но и на Буџетот на Општина Карпош.
Во изминатиот период, на територија на Карпош бевме сведоци на свесно уништување на новиот летниковец во Влае, реквизити на детското игралиште во Тафталиџе 2, новопоставени корпи за отпадоци и клупи во Карпош 3 и Карпош 4.
Секој оној, кој ќе продолжи со насилството и вандализмот, мора да биде санкциониран!“, се вели во соопштението на Општина Карпош.
