Триесет и петгодишен скопјанец е уапсен откако ѝ се заканувал на поранешната сопруга, а потоа бил и агресивен кон полицајците кои биле повикани.
Од МВР велат дека вчера околу 20.15 часот на подрачјето на Кисела Вода, полициски службеници од Единицата за насилен криминал го уапсиле Ј.Д.(35) од Скопје затоа што упатил закани кон неговата 34 – годишна поранешна сопруга, агресивно се однесувал кон полициски службеници кои извршувале службени дејствија и кај него биле пронајдени два ножа.
По целосно документирање на случајот, ќе следи соодветна пријава, додаваат од полицијата.