Под мотото „За нов политички избор“ денеска Народното движење за Македонија ја почна изборната кампања од Прилеп.
Пред граѓаните говореа претседателот на партијата Јанко Бачев и носителот на листата на советници Гоце Најдовски.
Бачев истакна дека на локалните избори ќе настапат самостојно со 31 листа на кандидати за советници и 12 листи на кандидати за градоначалници.
– НДМ како партија од народот, за народот, со народот, овие избори ги гледа како шанса за демократизација, поточно, токму овие избори треба да го најават позитивниот пресврт во развојот на македонската држава. Дотолку повеќе што граѓаните не ја заборават и не ја прифаќаат црно-белата слика што дваесетина години ја креираат двете големи партии на македонската политичка сцена, рече Бачев.
Ги повика граѓаните да гласаат за, како што рече, сопствените општини и за доброто на Македонија.
