Групи од активисти и симпатизери на една партија, покрај предупредувањата и укажувањата продолжуваат со агитирање и застанување на гласачите пред избирачките места, објави порталот Мојот град.
При обидот да го регистрира целиот случај пред ОУ „Гоце Делчев“ во Кавадарци, групата активисти се осмелиле и се обиделе да му ја одземат камерата на уредникот на Веб порталот „МОЈОТ ГРАД“.
И покрај заканите од нивна страна, случајот е пријавен до надлежните органи – МВР, Кавадарци. По самото пристигнување на припадниците на МВР-Кавадарци, групата се дистанцира од местото на настанот, а од уредникот е земена изјава. По утврдувањето на исправноста на легитимацијата на уредникот како член на Невладината организација „ПРОЕКТ-ЕУ“, и уредник на Веб порталот „МОЈОТ ГРАД“, случајот е расчистен. И покрај дистинцирањето на групата активисти на одредено растојание, тие сепак продолжуваат со агитирањето кон граѓаните.