Рано утрово околу четири часот е нападнато лице вработено како обезбедување во објектот на „Горска“, на улицата „Шарпланинска“ во Општина Ѓорче Петров.
Според МВР, лицето пријавило дека разбојништвото го извршиле три непознати лица. Еден од сторителите со кундак од пиштол го удрил во главата, по што паднал на земја. Насилниците потоа му го одзеле паричникот во кој имал лични документи, околу 3.000 денари, мобилен телефон и клучеви од магацините на „Горска“ по што побегнале во непознат правец.
Се преземаат мерки за пронаоѓање на сторителите и за целосно расчистување на случајот.