На 11.05.2019 година во 02,35 часот дваесет и две годишно момче пријавило дека nа 11.05.2019 година, околу 01,55 часот пред поликлиниката Ченто, физички било нападнато од страна на четири непознати лица кои што повеќе пати го удриле со тупаници во пределот на
главата и телото,со што му нанеле видливи повреди, црвенило и оток во пределот на лицето.
Според пријавата, до физичкиот напад е дојдено без повод и причина, односно додека истиот се движел пеш по ул.“Маџари“, од позади му пришле четирите лица на возраст од 18 до 24 години и физички го нападнале по што се качиле во патничко моторно возило марка “Рено Модус“ и заминале од местото на настанот. Се работи на расчистување на случајот.