На улица „Елка Јанкова“ во Струмица вчера во 11 часот и 20 минути три непознати машки лица извршиле разбојништво над такси возачот И.Н. (45) од Струмица.
Кога И.Н. со такси возилото ги донел на наведеното место, лицето кое седело на предното седиште му ги одзело парите кои биле под пепелникот напред во возилото, додека лицето кое седело позади со рака го фатило за вратот, по што И.Н. успеал да се ослободи, да ги земе парите и да излезе од возилото.
При повторен обид лицата да му ги одземат парите и телефонот, И.Н. почнал да бега и да вика, по што лицата побегнале. Се превземаат мерки за пронаоѓање на сторителите.