Скопјанец вчера попладне фрлил пивско шише и го скршил задното ветробранско стакло на автобусот во кој се преврзувале играчите на ФК „Пелистер“ што се движел кон стадионот „Филип II“, при што е причинета само материјална штета, а повредени нема.
Како што соопшти денеска МВР, инцидентот се случил кога автобусот се движел по булеварот „Илинден”. По преземени мерки приведено е лицето Н.Д. (23) од Скопје. По целосно документирање на случајот ќе биде поднесен соодветен поднесок.