Возбудени, среќни и полни со исчекување, вака изгледаа 577 првачиња во седумте основни училишта во општина Центар на првиот училишен час.
Градоначалникот, Андреј Жерновски, советниците и вработени во општината ги израдуваа првачињата со соодветни подароци, но и родителите со информацијата за значително олеснување на нивниот семеен буџет.
“Наместо на товар на родителите, средствата за училишното обезбедување и за еднодневните екскурзии од оваа учебна година ќе ги плаќа општината“, рече Жерновски.
На првачињата им порача дека ова се најубавите моменти во нивниот живот кои никогаш не се забораваат, а општина Центар е секогаш отворена за нивните идеи и потреби.
