Наместо да воведе ред на и онака хаотичната конститутивна седница, претседавачот Трајко Вељаноски повторно ги обвини медиумите дека биле блиски до СДСМ, само затоа што известувале за неговото селективно гасење на микрофони на говорницата.
Тој во одговор на процедуралната на Александар Кирацовски од СДСМ, кажа дека бил толерантен за да не го пишувало по медиумите. Кирацовски претходно побара од него да воведе ред на седницата со цел побрзо да се избере претседател на Комисијата за избори и именување, а потоа и претседател на Собранието и нова влада.
– Никој не порекува дека имате 51 мандат, меѓутоа ние имаме 67. Упорно прашувате, ние кажуваме, програмата е наша платформа, а вие свесно учествувате во купувањето на денови, рече Кирацовски.