Попладнево граѓани се пожалиле дека наместо бензин на бензиската пумпа на улица „7-ми Ноември“ во Охрид, им наточиле вода.
Револтираните граѓани ова го пријавиле во СВР Охрид, од каде пак се обратиле до подрачното одделение на Пазарниот инспекторат во Охрид. Началникот на пазарниот инспекторат, Ѓорѓи Бошалевски го потврди настанот.
Бошалевски кажа дека девет лица се пожалиле на квалитетот на бензинот, по што инспекторите излегле на лице место.
„Веднаш излеговме на терен. Се земаат примероци од бензинот кои веднаш ќе бидат пратени на анализа во Скопје. Се додека не ги добиеме резултатите од анализите, нема да се превземи ништо“, истакна Бошалевски.