Наместо кабаста конструкција од 29 метри и гаража на 8 спрата, како што одлучи претходното раководство и беше зацртано во ДУП-от, сега општина Центар, на истиот простор, гради монтажен јавен паркинг на 1 спрат.
Со ова се надминува стравот на жителите околу Трговскиот центар „Буњаковец “, дека со 8 спратна гаража нема да има нормално струење на воздухот. Двојно се зголемуваат паркинг местата од 48 на 104 местаи и гаражата ќе има површина од 1.850 метри. Сите жители од општина Центар кои имаат паркинг-налепница од ПОЦ, бесплатно ќе можат да ја користат оваа гаража.
Од новата монтажна гаража ќе имат бенефит жителите, но и персоналот и купувачите во Трговскиот Центар, бидејќи ќе се надмине хаосот со паркирањето. Во пресрет им се излегува и на граѓаните од соседните згради.
Имено, улицата „Владимир Полежановски” ќе стане еднонасочна, а тесното грло и сообраќајниот хаос ќе се реши со отстранување на паркиранг местата од улицата.
Монтажната гаража се гради од еколошки материјал. Станува збор за челична поцинкувна конструкција, составена од модули, информираат од општина Центар.