Сообраќајот на сите магистрални и регионални патни правци се одвива тековно без застои и ограничувања, по претежно влажни коловози, но видливоста на поголемиот дел од патните правци е значително намалена поради појавата на магла, соопшти АМСМ.
Поради покачување на температурите и топење на снегот, можна е и појава на поситни одрони по усеците и клисурите.
Поради појава на магла, намалена е видливоста на следниве патни правци: Крива Паланка – 150 метри, Страцин – 50 метри, Скопје – 150 метри, Тетово – 30 метри, Гостивар – 30 метри, Дебар – 50 метри, Сарамзалино – 150 метри, Павлешенци – 100 метри, Кочани – 50 метри, Битола – 50 метри, Прилеп – 30 метри.
Се препорачува внимателно возење и прилагодување на брзината кон условите на патот.
