Со песничка и игра, децата од најмала возраст од градинката „Орце Николов“ во Карпош 3, го одбележаа Светскиот ден на мирот на Обединтетите нации – 21 септември. Тие, го засадија своето дрвце за подобра иднина а се вклучија и во акцијата „Во град без мојот автомобил“ и со своите шарени велосипеди и тротините, го развеселија и разиграа детскиот двор во градинката.
Ова е дел од интернационалната програма „Учење за шумите“, а акцијата „Засади дрво за мир“, се одржува по десетти пат и во неа учествуваат сите основни училишта и градинки на територија на Град Скопје.
На овој светски ден, секоја година се вклучуваат повеќе училишта и градинки од сите земји, а оваа година учествуваат околу 5.000 училишта од 120 земји ширум светот.