Учениците од основните училишта во општина Центар, денеска се натпреваруваа и ги покажаа своите вештини во возење велосипед. Најдобрите шестмина добија пригодни награди, а три училишта од општина Центар добија велосипеди. Настанот беше дел од проектот “Цел Центар на Точак“.
Целиот проект за сообраќајно воспитување, кој се изведуваше во секое училиште во општината, за учениците од 6-то до 9-то одделение, беше со цел да се зголемат капацитетите на децата како активни учесници во сообраќајот. На учениците им беа предочени позитивните страни од користењето велосипед и правилата за безбедно учество во сообраќајот.
Честитајќи им на најдобрите и највештите, градоначалникот на општина Центар, Андреј Жерновски, им посочи дека општината води грижа и секогаш ќе ги поддржува активностите и проектите за најмладите, за поздрав живот и нивна безбедност.