Првиот вики – клуб во Македонија, во кој членуваат околу 50 деца од неколку училишта од Скопје, денеска по повод 16. роденден на „Википедија“ ќе им додели награди на најактивните членови.
Вики клубот во Македонија почна со работа во октомври и неговите членови имаат објавено над 70 нови статии и дополнија стотина постоечки статии на Википедија на македонски јазик.
Со тоа, првиот вики клуб во Македонија даде значаен придонес во зголемувањето на бројот и квалитетот на содржините на Википедија на македонски јазик.
Вики клубот во Македонија е проект на Музејот на македонската борба и Здружението за умножување слободни содржини ГЛАМ од Скопје.