Денес во матичниот објект на градинката „13 Ноември“, Општина Центар одржа завршна манифестација на која беа доделени наградите за најдобар воспитувач, негувател, а за прв пат оваа година и за најдобар стручен соработник.
„Една стара кинеска поговорка вели „ДЕТСКИОТ ЖИВОТ Е КАКО ПАРЧЕ ХАРТИЈА НА КОЕ СЕКОЈ ОСТАВА БЕЛЕШКИ” а јас би додала дека највпечатливи и најтемелни белешки се оние кои децата ги добиваат од своите воспитувачки и од своите негувателки.“ – истакна директорката на градинката 13 Ноември, Лидија Пецева.
Оваа манифестација се одржува традиционално петта година по ред, пред се како мотивација за трудот и вложувањата кои вработените во детските градинки го пружаат на најмладите.
Во оваа пригода, градоначалникот на Општина Центар, Саша Богдановиќ, им честиташе на наградените, посочувајќи дека тој како Градоначалник како и целокупната Општина секогаш стои на располагање на потребите на детските градинки пред се заради тоа што децата се нашата иднина и движечка сила во целокупниот општествен процес, се вели во соопштението на Општина Центар.
На овој настан Градоначалникот додели 19 награди на следните категории:
НАЈДОБАР ВОСПИТУВАЧ
– ЈУДГ ОЦ „Кочо Рацин“: МАРИЈАНА ПОПОВСКА, САШКА МИХАЈЛОВСКА, ОЛИВЕРА ЃОРЕВСКА
– ЈУДГ ОЦ „13 Ноември“: АНЕТА СИМОНОВСКА, РУЖИЦА БИЏОВСКА, БЛАГИЦА ЧАНЕВСКА
– ЈУДГ ОЦ „Раде Ј. Корчагин“: РОСА ЦВЕТАНОВСКА, ЈЕЛЕНА ВАНГЕЛОВА
НАЈДОБАР НЕГУВАТЕЛ
– ЈУДГ ОЦ „Кочо Рацин“: ДАНИЕЛА МИТИЌ, КРИСТИНА ГЕРМОВСКА, НЕШКА ПОПОВСКА
– ЈУДГ ОЦ „13 Ноември“: АНЕТА ЖИВАНОВСКА, СУЗАНА ГАЛОВСКА, АНЕТА МИЛАНОВСКА
– ЈУДГ ОЦ „Раде Ј. Корчагин“: АНА ЈАНЕВА, КРИСТИНА ПАВЛОВА
НАЈДОБАР СТРУЧЕН (СО)РАБОТНИК
– ЈУДГ ОЦ „Кочо Рацин“: ПЕРИХАН БЕКИР
– ЈУДГ ОЦ „13 Ноември“: КАТЕРИНА БУТЛЕСКА ИЛИЌ
– ЈУДГ ОЦ „Раде Ј. Корчагин“: ИВАНА МИРЧЕВСКИ