Сеф со околу 500 илјади евра и 50 илјади долари е украден од стан на улица „Бихаќка“ во Скопје, соопшти денеска МВР.
Сопственикот на станот М.М (57) од Скопје, пријавил во полиција дека непознат сторител во периодот од 21 до 23 јуни со употреба на погоден предмет влегол во домот и го земал металниот сеф во кој биле парите, како и разновиден златен накит и документација. Вкупната материјална шетата се проценува на околу 33.580.000 денари.
Извршен е увид на местото на настанот и се преземаат мерки за откривање на сторителот.