По повод 1 април – Денот на шегата на летната сцена на Центарот за култура „Бели мугри“ се одржа традиционалната „Априлијада“.
Настапија над 300 деца од големите групи во детската градинка „Павлина Велјанова“, а присутните можеа да ги видат и маските на учениците од одделенска настава од сите основни училишта во Кочани.
Првоаприлската манифестација ја организира општина Кочани со средства од Програмата за поддршка на образованието за 2018 година.