Началникот на ГШ на АРМ Котески на конференција на Воениот комитет на НАТО во Брисел

Од:

Началникот на Генералшабот (ГШ) на АРМ генерал-мајор Горанчо Котески утре ќе учествува на Конференцијата на Воениот комитет (ВК) на НАТО во формат на началници на генералштабови, која се одржува во командата на НАТО во Брисел.

Котески денеска ќе присуствува на официјалната церемонија за примопредавање на должноста командант на Врховната команда на силите на НАТО во Европа (САЦЕУР) помеѓу досегашниот командант, адмиралот Џејмс Ставридис и генералот Филип Бридлав, која ќе се одржи во седиштето на оваа команда во Монс.

Во фокусот на средбата на армиските лидери на земјите членки на НАТО и Партнерството за мир, ќе бидат прашањата за разгледување на понудените информации за досегашниот развој на состојбите и извршувањето на плановите и задачите во рамки на мисијата ИСАФ во Авганистан.

На конференцијата ќе стане збор и за влијанието на мисијата ИСАФ на регионалната безбедност. Во вториот дел од конференцијата ќе се разгледува извршувањето на мисијата КФОР на Косово и развојот на ситуацијата во контекст на новите политички односи помеѓу Белград и Приштина.

Би можело да ве интересира

Мицкоски во Берлин на состанокот посветен на Украина: Ја потврдивме поддршката за постигнување праведен и траен мир преку дијалог, дипломатија и координација со нашите сојузници

Бајден за потегот што го загрижи Кремљ: НАТО стигна до границите на Русија

Лавров: НАТО им нанесе голема штета на соседните земји

Романија предупредува на влошување на безбедносната состојба во Црното Море, бара поголема поддршка од ЕУ и НАТО

Финска го отфрли наводното руско барање за напуштање на НАТО

Москва не се откажува од барањата од 2021 година: НАТО да се врати на границите од 1997 година