Потрошувачката на вода во Крива Паланка периодов е зголемена, а издашноста на изворите од Калин Камен е намалена. Јавното претпријатие „Комуналец“, одговорно за водоснабдувањето во градот, набави три пумпи за дотур на вода во системот со различна моќност поради што не се воведени, ниту се планираат рестрикции во водоснабдувањето.
Како што информира директорот Томе Тодоровски, две од пумпите се 22 киловата со можност за испорака на 16 литри во секунда, а една е 7,5 киловати со можност за испорака на три литри во секунда
– Издашноста на изворите од Калин Камен е намалена и изнесува 38 литри во секунда. Притисокот во системот за водоснабдување во одрени реони од градот по неколку часа, претежно во попладневните часови, е намален. Ова се должи на зголемената потрошувачка, но не и на рестрикции, изјави Тодоровски.
За продолжениот викенд, вчера и денеска, во пресрет на празничните денови, на градскиот базен е овозможено бесплатно разладување за сите граѓани и нивните гости.