Манифестација за рекреативно искачување на Водно „Прв до врв” се одржа денеска во организација на Град Скопје.
Овој спортско-рекреативен настан, соопшти Град Скопје, се одржува секоја година и Скопјани го одбележуваат со масовно качување на планината Водно. На овогодинешната трка учествуваа неколку илјади натпреварувачи, а се одржа во машка и женска категорија во традиционална планинарска трка, како и велосипедска планинска и друмска трка.
На врвот на Водно, присутните ги поздрави градоначалникот на Град Скопје, Коце Трајановски, кој воедно ги додели медалите на најуспешните во неколку категории.
Првото место во планинско трчање (жени) го освои Росица Костова, во планинско трчање (мажи) победи Стефен Убел, а во друмски велосипедизам жени Карин Пидел.