46-годишен маж околу 13 часот на женска плажа во Струга го удрило струен удар. Тој во бесознание и кома веднаш е префрлен во струшката општа болница. Дежурниот доктор Мирко Лекоски телефонски за А1 кажа дека пациентот кај нив бил донесен во бессознание, без дишење и без срцева активност.
„Човекот се наоѓаше во клиничка смрт, но со помош на реанимација пациентот е оживеан и моментално се наоѓа во интензивна нега. Но како понатаму ќе одвиваат работите не можеме да кажеме“, изјави за А1 доктор Мирко Лекоски.
Тој кажа дека пациентот е препратен на скопските клиники бидејки имало потреба од понатамошна реанимација и опоравување. Пациентот во болницата го донела екипа на брза помош, кој според нивните кажувања се здобил со струен удар.
Од полицијата рекоа дека човекот настрадал од како претходно поставил водна пумпа во езерото за да вади вода од езерото, но го здрмала струја по што веднаш е префрлен во струшката болница.