Штрајкот на вработените од клиничкиот центар во Скопје го подржаа и од Заводот за нефрологија во Струга. Поголемиот дел од вработените лекари но не и директорот на оваа здраствена установа својот револт го изразија на своите работни места и пред зградата на болницата .Координаторот на штрајкувачите доктор Асид Муса рече дека нема да се откажат од штрајкот и покрај тоа што кон нив биле упатувани закани за да на излегуваат на протестите и оти им било речено дека за деновите поминати на штрајк нема да добијат дневница.
„Нас не ни е битна дневницата, многу побитно е решавањето на нашата долготрајна ситуација, отколку една дневница. Ние не се противиме за другите кои и со средно образование земаат повеќе отколку ние специјалистите. Или во ЕЛЕМ земаат плата поголема отколку што зема еден општ лекар, но ние го сакаме тоа што нас ни следува.Во штрајкот учествуваат сите колеги без разлика на партиската поделеност. Подршка имаме и од гранковиот синдикат. Итните случаи ги примаме, а на другите им укажуваме прва помош “, вели д-р Асид Муса координаторот на штајкувачкиот одбор.
Услугите на Заводот за нефрологија во Струга ги користат пациенти од соседните градови но и од соседна Албанија. Сите кои побараа лекарска интервенција беа опслужени од страна на персоналот на болницата.