И денеска граѓаните се собраа пред Владата на протест на кој бараат нејзина оставка, а на раскрсницата на булеварот Илинден, ги дочека полициска блокада.
– Порачуваме дека најискрениот бран на самоорганизирано граѓанско незадоволство нема да запре! Ние веќе не чувствуваме страв, туку само гадење од авторитарната власт и нивните мрачни сценарија! Ние бараме мир и правда, а тоа може да се случи само ако тие си заминат! Веднаш!, порачуваа од движењето „Протестирам“.
Протестот се одвива мирно, а демонстрантите скандираат „Николче диктаторче“, „Оставка! „Оставка!“, „Нема правда , нема мир!“. Оттаму долгата колона демонстранти се упатија кон Собранието.