Седум странски државјани, 4 од Косово и 3 од Албанија биле откриени од полицијата додека изведувале градежни работи на два објекти лоцирани на Попова Шапка, информираше портпаролот на СВР Тетово Марјан Јосифовски.
Четворицата косовци, Ш.С.(20), Х.Ш (28), Н.З.(27) и В.С.(20), како и албанските државјани Ш.Ф.(21), З.Ф.(27) и И.Ѓ.(19), се приведени и задржани во Секторот за внатрешни работи Тетово, а потоа се предадени за натамошна постапка во Отсекот за прекуграничен криминал, миграции, странци и реадмисија. При тоа утврдено е дека само И.Ѓ.(19) илегално влегол во нашата земја додека сите пријавено престојувале на подрачјето, но работеле без потребната работна дозвола.
– Седуммината странски државјани се судски парично казнети и изречена им е забрана за влез од една година така што во текот на денот ќе бидат депортирани во нивните матични земји, изјави Јосифовски.